தாய்வான் வங்கியின் கணினி வலையமைப்புக்குள் ஊடுருவி 920 கோடி ரூபா பண மோசடி: லிட்ரோ கேஸ் நிறுவனத் தலைவர் ஷலீல முனசிங்க விளக்கமறியலில்

(ரெ.கிறிஷ்­ணகாந்)

தாய்­வானின் ஃபார் ஈஸ்டர்ன் இன்­டர்­நெ­ஷனல் வங்­கியின் கணினி கட்­ட­மைப்­புக்குள் ஊடு­ருவி அமெ­ரிக்­கா­வி­லுள்ள அந்த வங்­கியின் கணக்­கு­க­ளி­லுள்ள பணத்தை தமது கணக்­கு­க­ளுக்கு பரி­மாற்றிப் பண­மோ­சடி செய்த சம்­ப­வத்தின் பிர­தான சுத்­தி­ர­தா­ரி­யென கரு­தப்­படும் மற்­றொரு சந்­தேக நப­ரான லிட்ரோ கேஸ் (அரச) நிறு­வ­னத்தின் தலைவர் ஷலீல முன­சிங்க நேற்­று­முன்­தினம் குற்றப் புல­னாய்வுப் பிரிவில் சர­ண­டைந்­த­தை­ய­டுத்து கைது செய்­யப்­பட்­டுள்ளார்.

இதற்கு முன்னர் இச்­சம்­பவம் தொடர்பில் ஓய்வு பெற்ற முன்னாள் இரா­ணுவ மேஜர் ஜெனரல் ஜாலிய நம்­மு­னியின் மக­னான ஜனக்க சமிந்த நம்­முனி கடந்த 7 திகதி கைது செய்­யப்­பட்டு விளக்­க­ம­றி­யலில் வைக்­கப்­பட்­டுள்ளார். அவ­ரிடம் மேற்­கொள்­ளப்­பட்ட விசா­ர­ணை­களின் மூலம் கிடைத்த தக­வல்­களைக் கொண்டு ஷலீல முன­சிங்­கவைத் தேடி குற்றப் புல­னாய்வு பிரி­வினர் விசா­ர­ணை­களை ஆரம்­பித்­தி­ருந்­தனர்.

தன்னைப் பொலிஸார் தேடு­வ­தனை அறிந்து கொண்ட ஷலீல முன­சிங்க, நுகே­கொடை, நாலந்­தா­ரா­ம­யவில் மறைந்­தி­ருந்த நிலையில், பொலி­ஸா­ருக்கு தனது இருப்­பிடம் தொடர்பில் தகவல் தெரிய வந்­ததை அறிந்து கொண்­ட­தை­ய­டுத்து ஜனா­தி­பதி சட்­டத்­த­ரணி காலிங்க இந்­தி­ர­திஸ்­ஸவின் மூலம் சர­ண­டைந்தார்.

கைது செய்­யப்­பட்­டுள்ள ஷலீல முன­சிங்க, புதிய ஜன­நா­யக முன்­ன­ணியின் தலைவர் ஆவார். இக்­கட்­சியின் சின்­னத்­தி­லேயே கடந்த ஜனா­தி­பதித் தேர்­தலில் தற்­போ­தைய ஜனா­தி­பதி மைத்­தி­ரி­பால சிறி­சேன போட்­டி­யிட்டு வென்றார் என்­பது குறிப்­பி­டத்­தக்­கது.

2015 ஆம் ஆண்டு அப்­போ­தைய நிதி அமைச்சர் ரவி கரு­ணா­நா­யக்­க­வினால் லிட்ரோ கேஸ் நிறு­வனத் தலை­வ­ராக ஷலீல முன­சிங்க நிய­மிக்­கப்­பட்­டி­ருந்தார்.

தாய்­வானில் அமைந்­துள்ள பார் ஈஸ்டர்ன் இன்­டர்­நெ­ஷனல் வங்­கியின் கணக்­கு­க­ளுக்குள் ஊடு­ருவி சுமார் 60 மில்­லியன் டொலர்­களை (சுமார் 920 கோடி ரூபா) இந்த ஒழுங்­க­மைக்­கப்­பட்ட ஹெக்கர் குழு­வினர் மோசடி செய்­துள்­ளனர்.

இக்­கொள்­ளையில் ஈடு­பட்ட குறித்த குழுவைச் சேர்ந்த இலங்கை உறுப்­பி­னர்கள் மூவ­ரது கணக்­கு­களில் சுமார் 1. 3 மில்­லியன் டொலர்கள் வைப்­பி­லி­டப்­பட்­டுள்­ள­தாக தெரி­விக்­கப்­பட்­டுள்­ளது. லங்­கை­யி­லுள்ள 3 கணக்­கு­க­ளுக்கு வந்த 1.3 மில்­லியன் டொலர்­களை தேடி வரு­கிறோம் என ஏ.எவ்.பியிடம் அதிகாரி ஒருவர் தெரிவித்துள்ளார்.

மேற்­படி பாரிய பண­மோ­சடி தொடர்பில் ஃபார் ஈஸ்டர்ன் இன்­டர்­நெ­ஷனல் வங்­கியின் ஊடாக இலங்கை வங்கிக் கிளைக்கு அறி­விக்­கப்­பட்ட அதே­வேளை, தாய்­வா­னி­லுள்ள அவ்­வங்­கியின் மூல­மா­கவும் இது தொடர்பில் அவ்­வங்­கிக்கு மின்­னஞ்சல் ஒன்றும் அனுப்­பப்­பட்­டுள்­ளது.

கடந்த 3 ஆம் திகதி சைபர் தாக்­குதல் மேற்­கொள்­ளப்­பட்டு ஃபார் ஈஸ்டர்ன் வங்கிக் கணக்­கி­லி­ருந்து மோசடி செய்­யப்­பட்ட பணத்தில் தனக்­கு­ரிய பங்கு தனது கணக்­கு­களில் வைப்­பி­லி­டப்­பட்­டுள்­ளதா என்­ப­தனை உறு­திப்­ப­டுத்திக் கொள்­வ­தற்­காக, முதல் சந்­தேக நப­ரான நம்­முனி, இரு முறைகள் கொழும்­பி­லுள்ள இலங்கை வங்கிக் கிளை­யொன்­றுக்கு வந்து விசா­ரித்துச் சென்­ற­தாக தெரி­விக்­கப்­ப­டு­கி­றது.

அவரின் நட­வ­டிக்கை தொடர்பில் வங்கி முகா­மை­யாளர் சந்­தேகம் கொண்டு அப்­பணம் எங்­கி­ருந்து வைப்­பி­லி­டப்­ப­டு­கி­றது எனக் கேட்­ட­போது, அவை வர்த்­தக நட­வ­டிக்­கை­க­ளுக்­காக கிடைத்த நிதி என அவர் பதி­ல­ளித்­தி­ருந்தார்.
அமெ­ரிக்க வங்­கி­யி­லுள்ள நிதியை தாய்­வா­னி­லுள்ள வங்­கிக்கு பரி­மாற்றம் செய்து அவற்றில் தமக்­கு­ரிய பங்­கினை ஸ்லிப்ஸ் பரி­மாற்ற முறையில் Sri Lanka Interbank Payment System (SLIPS) இலங்­கை­யி­லுள்ள இலங்கை வங்­கிக்­கி­ளைக்கு பரி­மாற்­றி­யுள்­ள­தாக தெரிய வந்­துள்­ளது.

இந்­தி­யா­வி­லுள்ள ஹெக்கர்ஸ் (இணைய ஊடு­ரு­விகள்) சில­ருடன் ஒன்­றி­ணைந்து ஷலீல முன­சிங்க மற்றும் ஜனக்க சமிந்த நம்­முனி ஆகியோர் இந்த மோச­டியை திட்­ட­மிட்­டுள்­ள­தாக குற்றப் புல­னாய்வுப் பிரி­வினர் தெரி­வித்­துள்­ளனர்.
அதற்­க­மைய இம்­மோ­ச­டியில் பெறப்­பட்ட பணத்தின் நூற்­றுக்கு 50 சத­வீ­த­மா­னவை ஹெக்­கர்­க­ளுக்கும், நம்­மு­னிக்கு 30 வீதமும், ஷலீ­ல­வுக்கு 20 வீதமும் பெற்­றுக்­கொள்ள பேரம் பேசப்­பட்­டி­ருந்­தாக தெரி­விக்­கப்­ப­டு­கி­றது.

இந்த மோச­டி­யுடன் தொடர்­பு­டைய இந்­திய ஹெக்­கர்­களும் அண்­மையில் இலங்­கைக்கு வந்­தி­ருந்த நிலையில், கொழும்­பி­லுள்ள முதற்­தர ஹோட்­ட­லொன்றில் வைத்து அப்­பணம் பகி­ரப்­பட்­டுள்­ள­தாக விசா­ர­ணை­களில் தெரி­ய­வந்­துள்­ளது.

இச்­சம்­பவம் தொடர்பில் கைது செய்­யப்­பட்ட ஷலீல நேற்று முன்­தினம் இரவு குற்றப் புல­னாய்வு திணைக்­க­ளத்­துக்கு அழைத்துச் செல்­லப்­பட்டார்.

இந்நிலையில், ஷலீல முணசிங்க நேற்றைய தினம் நிதிக்குற்றப் புல னாய்வுப் பிரிவினரால் கோட்டை நீதி மன்றில் ஆஜர் செய்யப் பட்டதை யடுத்து இன்றுவரை அவரை விளக்கம றியலில் வைக்குமாறு உத்தர விடப்ப ட்டது.

      (படம் : உதேஷ் இந்திக்க)

 

‘லிட்ரோ கேஸ் நிறு­வ­னத்­துக்கு தொடர்­பில்லை’

இதே­வேளை, லிட்ரோ கேஸ் (லங்கா) லிமிட்டட் நிறு­வ­னத்தின் தலைவர் ஷலீல முன­சிங்க மீது சுமத்­தப்­பட்­டுள்ள பண­மோ­சடி குற்­றச்­சாட்டு தொடர்பில் தமது நிறு­வனம் எந்­த­வ­கை­யிலும் தொடர்­பு­ப­ட­வில்­லை­யென நேற்­றைய தினம் லிட்ரோ கேஸ் லங்கா லிமிட்டட் நிறு­வனம் தனது வாடிக்­கை­யாளர், பங்­கா­ளர்கள் மற்றும் பொது­மக்­க­ளுக்கு அறி­வித்­த­லொன்றை விடுத்­துள்­ளது.

அர­சு­டை­மை­யாக்­கப்­பட்­டுள்ள தமது நிறு­வனம் மிகவும் நியா­ய­மான முறையில் கணக்­கு­களை பேணி­வ­ரு­வ­தா­கவும் பணிப்­பாளர் சபையின் மூலம் நிறு­வ­னங்­க­ளுக்­கு­ரிய ஒழுக்க, சட்­ட­வி­தி­மு­றை­களை ஒழுங்­குறப்பின்­பற்­றி­வ­ரு­வ­தா­கவும் அதில் குறிப்­பி­டப்­பட்­டுள்­ளது.

இந்­நி­லையில், ஷலீல முன­சிங்­கவின் தனிப்­பட்ட வழக்­காக இது கரு­தப்­ப­ட­வேண்டும் எனவும் தமது நிறு­வ­னத்­துக்கு இச்­சம்­ப­வத்தில் எவ்­வித தொடர்பும் இல்­லை­யென்றும் லிட்ரோ கேஸ் (லங்கா) லிமிட்டட் மேலும் தெரிவித்துள்ளது.

(Visited 151 times, 1 visits today)