வலை­பந்­தாட்டம், கால்­பந்­தாட்­டத்தில் நட்­சத்­திர வீராங்­க­னை­யாக திகழ்­வ­துடன் மருத்­து­வ­ரா­கவும் பணி­யாற்றும் பெண்

பிரிட்­டனைச் சேர்ந்த பெண்­ணொ­ருவர் வலைப்­பந்­தாட்டம், கால்­பந்­தாட்டம் ஆகிய விளை­யாட்­டு­களில் சிறந்த வீராங்­க­னை­யாகத் திகழ்­வ­துடன் மருத்­துவப் பட்டம் பெற்­ற­வ­ரா­கவும் விளங்­கு­கிறார்.


ஒரு பெண்ணால், ஏக காலத்தில் பல்­வேறு துறை­க­ளிலும் ஈடு­பட முடியும் என்­ப­தற்கு கரோலின் ஓ ஹன்லோன் எனும் இப்பெண் ஒரு சிறந்த உதா­ர­ண­மாகத் திகழ்­கிறார்.

அயர்­லாந்தில் விளை­யா­டப்­படும் கேலிக் புட்போல் எனும் கால்­பந்­தாட்­டத்தில் கரோலின் ஓஹன்லோன் ஈடு­ப­டு­கிறார். 15 பேர் கொண்ட அணி­க­ளுக்­கி­டை­யி­லான விளை­யாட்டு இது.


வட அயர்­லாந்தின் கேலிக் கால்­பந்­தாட்ட அணிக்­காக 15 வரு­டங்­களாக கரோலின் ஓ ஹன்லோன் விளை­யாடி வரு­கிறார். அத்­துடன் வட அயர்­லாந்தின் ஆர்மாக் கேலிக் கால்­பந்­தாட்ட கழ­கத்­திற்­கா­கவும் இவர் விளை­யா­டு­கிறார்.

இவ்­வாறு கால்­பந்­தாட்­டத்தில் பங்­கு­பற்றும் நிலை­யி­லேயே வலைப்­பந்­தாட்­டத்­திலும் பிர­பல வீராங்­க­னை­களில் ஒரு­வ­ராக அவர் திகழ்­கிறார்.


இங்­கி­லாந்தின் மன்­செஸ்டர் நக­ரி­லுள்ள மன்­செஸ்டர் தண்டர் எனும் வலைப்­பந்­தாட்ட அணியின் சிரேஷ்ட வீராங்­க­னை­களில் ஒருவர் கரோலின். மன்­செஸ்டர் தண்டர் கழ­க­மா­னது பிரிட்­டனின் முதல்­நிலை வலைப்­பந்­தாட்ட சுற்­றுப்­போட்­டி­யான நெட்போல் சுப்பர் லீக் போட்­டி­களில் முன்­னி­லை­யி­லுள்ள 10 கழ­கங்­களில் ஒன்­றாக விளங்­கு­கி­றது.

அவுஸ்­தி­ரே­லியா, நியூ­ஸி­லாந்து, தென் ஆபி­ரிக்கா, ஜெமெய்கா, கனடா உட்­பட வலைப்­பந்­தாட்­டத்தில் பிர­சித்தி பெற்ற நாடு­களைச் சேர்ந்த வீராங்­க­னை­களும் நெட்போல் சுப்பர் லீக் கழ­கங்­களில் இடம்­பெ­று­கின்­றனர். இவர்­க­ளுக்கு ஈடு­கொ­டுத்து போட்­டி­யிடும் கரோலின், வலைப்­பந்­தாட்­டத்தில் பல்­வேறு விரு­து­களை வென்­றுள்­ளமை குறிப்­பி­டத்­தக்­கது.


வலைப்­பந்­தாட்டப் போட்­டி­க­ளுக்­காக பிரிட்­ட­னுக்கும் கேலிக் கால்­பந்­தாட்டப் போட்­டி­க­ளுக்­காக அயர்­லாந்­துக்கும் அடிக்­கடி பயணம் செய்து வரு­கிறார் கரோலின் ஓ ஹன்லோன்.

இப்­போட்­டி­க­ளுக்கு மத்­தியில் அவர் மருத்­து­வ­ரா­கவும் பணி யாற்றுகிறார். அடுத்த மாதம் அவுஸ்திரேலியாவில் நடைபெறவுள்ள பொதுநலவாய விளையாட்டு விழாவின் வலைபந்தாட்டப் போட்டிகளில் வட அயர்லாந்து அணி சார்பாக கரோலின் ஓ ஹன்லோன் பங்குபற்றவுள்ளமை குறிப்பிடத்தக்கது.

(Visited 65 times, 1 visits today)

Post Author: metro