ஃபேஸ்புக் பதிவினால் ஏற்பட்ட நஷ்டம்; பயனாளர்களே மிக கவனம்…..!

ஃபேஸ்புக்கில் ஊருக்கு போவதாக ஸ்டேட்ட்ஸ் போட்டவரின் வீட்டில் இருசக்கர வாகனம், மற்றும் 5 லட்சம் மதிப்புள்ள நகைகள் உள்ளிட்ட பல பொருட்கள் கொள்ளையடிக்கப்பட்ட சம்பவம் அதிர்ச்சியை ஏற்படுத்தியுள்ளது.

தமிழகத்தின் ஈரோடு மாவட்டத்தின் கோபிசெட்டிபாளையம் பகுதியை சேர்ந்தவர் பிரேமலதா. இவர் குடும்பத்தினர் மற்றும் உடன் பிறந்த தம்பி உடன் பெங்களூரு ஆர்.டி நகர் பகுதியில் வசித்து வருகிறார்.

சமீபத்தில் வார இறுதிநாளில் கோபிசெட்டிபாளையம் சென்ற பிரேமலதா, பெங்களூரிலிருந்து புறப்படும் போது ஊருக்கு போவதாக தனது ஃபேஸ்புக் பக்கத்தில் ஸ்டேட்ஸ் பதிவிட்டிருக்கிறார்.

ஊருக்கு சென்று விட்டு, கடந்த ஞாயிற்றுக்கிழமை (10.06.2018) அதிகாலை 2 மணியளவில் பெங்களூருவில் உள்ள தனது வீட்டிற்கு பிரேமலதா வந்து பார்த்த போது பெரிய அதிர்ச்சி காத்திருந்தது.

வீட்டின் முன்கதவு உடைக்கப்பட்டிருந்த நிலையில், வாசலில் நிறுத்தப்பட்டிருந்த இருசக்கர வாகனம் காணவில்லை. வீட்டுக்கு உள்ளே சென்று பார்த்த போது ரூ. 5 லட்சம் மதிப்புள்ள நகைகள், ரூ.57,000 ரொக்கம் ஆகியவை காணவில்லை.

இதனால் அதிரிச்சியடைந்த பிரேமலதா ஆர்.டி. நகர் காவல்நிலையத்தில் புகார் அளித்தார். அதில், தான் ஊருக்கு போன சமயத்தில் வீட்டிலிருந்த பொருட்கள் கொள்ளையடிக்கப்பட்டுள்ளதாக தெரிவித்திருந்தார்.

மேலும், அவர் ஃபேஸ்புக்கில் தனது ஸ்டேட்டஸை பார்த்த பிறகு தான் இந்த கொள்ளைச்சம்பவத்தில் திருடர்கள் ஈடுபட்டுள்ளதாக சந்தேகம் தெரிவித்துள்ளார். பக்கத்து வீடுகளில் உள்ள சிசிடிவி கேமராக்கள் செயல்படவில்லை என்பதால், இது திட்டமிட்ட கொள்ளைச்சம்பவம் என பிரேமலதா தனது புகாரில் கூறியுள்ளார்.

ஃபேஸ்புக், ட்விட்டர், இன்ஸ்டாகிராம் போன்ற சமூகவலைதளங்களில் பகிரப்படும் தனிநபர் பற்றிய தகவல்களை ஆராய்வதற்கு என்றே ஒரு கும்பல் வேலை செய்து கொண்டிருக்கின்றனர். இந்நிலையில் நமது நிகழ்நேர அனுபவங்கள் மற்றும் தகவல்கள் பரிமாறப்படும் போது அதை சமூகவிரோதிகள் சிலர் தவறாக பயன்படுத்த வாய்ப்புள்ளது.

இதுபோன்ற சம்பவங்கள் ஏற்படும் பட்சத்தில், நமது சமூகவலைதள கணக்கு விவரங்களை மூன்றாவது நபர் பார்க்காமல் இருக்கும் வகையில் பல்வேறு பாதுகாப்பு அம்சங்களை வலைதள நிறுவனங்கள் கட்டமைத்துள்ளன. அதை அறிந்து வைத்திருப்பது நமது முக்கிய கடமையாகும்.

இது பெங்களூரில் நடந்திருந்தாலும், இந்த திருட்டு சம்பவம் எல்லோருக்கான ஒரு பாதுகாப்பான செய்தி, மற்றும் பல வலைதள பயன்பாட்டாளர்களிடம் பரபரப்பை ஏற்படுத்தியுள்ளது.

(Visited 43 times, 1 visits today)

Post Author: metronews 3