சம்­பியன்ஸ் கிண்ண இறுதிப் போட்­டியில் பாகிஸ்தான்! சொந்த மண்ணில் மீண்டும் சரிந்­தது இங்­கி­லாந்து

பிர­தான சர்­வ­தேச ஒருநாள் கிரிக்கெட் சுற்றுப் போட்டி ஒன்றில் முதல் தட­வை­யாக சம்­பி­ய­னா­வ­தற்கு இங்­கி­லாந்து எடுத்­துக்­கொண்ட முயற்­சியை முறி­ய­டித்த பாகிஸ்தான், சம்­பியன்ஸ் கிண்ண இறுதிப் போட்­டியில் விளை­யாட தகு­தி­ பெற்­றது.

இங்­கி­லாந்து தனது சொந்த மண்ணில் மூன்­றா­வது தட­வை­யாக ஐ. சி. சி. சம்­பியன்ஸ் கிண்ணப் போட்­டியில் சாதிக்கத் தவ­றி­யமை குறிப்­பி­டத்­தக்­கது.

கார்டிவ் விளை­யாட்­ட­ரங்கில் புத­னன்று நடை­பெற்ற அரை இறுதிப் போட்­டியில் சகல துறை­க­ளிலும் பிர­கா­சித்த பாகிஸ்தான் கிட்­டத்­தட்ட 13 ஓவர்கள் மீத­மி­ருக்க இங்­கி­லாந்தை 8 விக்­கெட்­களால் வெற்­றி­கொண்­டது.

இந்த வெற்­றிக்கு பாகிஸ்தான் வீரர்­க­ளது வீராப்பும் ஆற்­றலும் முக்­கிய கார­ண­மாக அமைந்­தன.

அதன் மூலம் இங்­கி­லாந்தை 211 ஓட்­டங்­க­ளுக்கு கட்­டுப்­ப­டுத்­திய பாகிஸ்தான், அவ்­வி­லக்கை 38ஆவது ஓவரில் கடந்­தது.

குழு ஏயிற்­கான லீக் சுற்றில் பங்­க­ளாதேஷ், நியூ­ஸி­லாந்து, இங்­கி­லாந்து ஆகிய மூன்று அணி­க­ளையும் இல­கு­வாக வெற்­றி­கொண்டு இந்த சுற்றுப் போட்­டியில் தோல்வி அடை­யாத ஒரே ஒரு அணி­யாக அரை இறு­திக்குள் நுழைந்த இங்­கி­லாந்­துக்கு சொந்த மண் அனு­கூலம் எந்­த­வ­கை­யிலும் கைகொ­டுக்­க­வில்லை.

இப் போட்­டியில் முதலில் துடுப்­பெ­டுத்­தாட அழைக்­கப்­பட்ட இங்­கி­லாந்து பல­மான நிலையில் இருந்­த­போது பந்­து­வீச அழைக்­கப்­பட்ட இடை­நிலை வேகப்­பந்­து­வீச்­சாளர் ஹசன் அலி மூன்று முக்­கிய விக்­கெட்­களை வீழ்த்தி ஆட்­டத்தின் தன்­மையை பாகிஸ்­தா­னுக்கு சாத­க­மாகத் திருப்­பினார்.

அவ­ருக்கு பக்­க­ப­ல­மாக ஜுனைத் கான், அறி­முக வீரர் ரும்மான் ரயீஸ் ஆகி­யோரும் சிறப்­பாக பந்­து­வீ­சினர். உபா­தைக்­குள்­ளான மொஹமத் ஆமி­ருக்குப் பதி­லாக கடைசி நேரத்தில் அணியில் ரயீஸ் இணைத்­துக்­கொள்­ளப்­பட்டார்.

ஒரு கட்­டத்தில் 2 விக்­கெட்­களை மாத்­திரம் இழந்து 123 ஓட்­டங்­களைப் பெற்­றி­ருந்த இங்­கி­லாந்து மேல­திக 88 ஓட்­டங்­க­ளுக்கு எஞ்­சிய 8 விக்­கெட்­களை இழந்­தது.

பதி­லுக்கு பாகிஸ்தான் சுமு­க­மாகத் துடுப்­பெ­டுத்­தாடி வெற்­றியை சுல­ப­மாக ஈட்­டி­யது. அஸ்ஹர் அலி, பக்கார் ஸமான் ஆகியோர் அரைச் சதங்­களைக் குவித்­த­துடன் அவர்கள் இரு­வரும் ஆரம்ப விக்­கெட்டில் பகிர்ந்த 118 ஓட்­ட­ஙகள் அதன் வெற்­றியை சுல­ப­ப் படுத்­தி­யது.

எண்­ணிக்கை சுருக்கம்

இங்­கி­லாந்து 49.5 ஓவர்­களில் சக­லரும் ஆட்­ட­மி­ழந்து 211 (ஜோ ரூட் 46, ஜொனி பெயார்ஸ்டோ 43, பென் ஸ்டோக்ஸ் 34, ஒய்ன் மோர்கன் 33, ஹசன் அலி 35 – 3 விக்., ஜுனைத் கான் 42 – 2 விக்., ரும்மான் ரயீஸ் 44 – 2 விக்.)

பாகிஸ்தான் 37.1 ஓவர்களில் 215 – 2 விக். (அஸ்ஹர் அலி 76, பக்கார் ஸமான் 57, பாபர் அஸாம் 38, மொஹமத் ஹபீஸ் 31 ஆ.இ.)