Thursday  19 Jan 2017  
Verified Web
CONTACT US
trailer-header
22 வருடங்களில் மறுவடிவம் பெற்ற ஏ.ஆர்.ரஹ்மானின் 'ஊர்வசி ஊர்வசி' பாடல்
22 வருடங்களில் மறுவடிவம் பெற்ற ஏ.ஆர்.ரஹ்மானின் 'ஊர்வசி ஊர்வசி' பாடல்
poll
அமெரிக்க ஜனாதிபதியாக டொனால்ட் ட்ரம்ப் தெரிவானதால்
அமெரிக்காவுக்கு நல்லது
முழு உலகுக்கும் நல்லது
அமெரிக்காவுக்கு நல்லதல்ல
முழு உலகுக்கும் நல்லதல்ல
50ஆவது பிறந்த தினத்தை கொண்டாடும் ஏ.ஆர்.ரஹ்மான்
2017-01-06 10:57:59

இசைப்­பு­யல் ஏ.ஆர்.ரஹ்­மான் இன்று ஜன­வரி 06 ஆம் திகதி தனது 50 ஆவது பிறந்­த­நாளை கொண்­டா­டு­கின்றார்.


 

1992 ஆம் ஆண்டு தனது 26 ஆவது வயதில் ‘ரோஜா’ திரைப்­ப­டத்தின் மூலம் இசை­ய­மைப்­பா­ள­ராக அறி­மு­க­மானார்.

 

ஒஸ்கார் விருதை வென்ற மேடை யில் கூட "எல்லா புகழும் இறை­வ­னுக்கே" என்று தமிழில் பேசி நம்மை வியப்பில் ஆழ்த்­தி­யவர். ஏ.ஆர். ரஹ்மான் இசையில் ஒரு ஆல்பம் வெளி­வ­ரு­கி­றது என்றால், இளை­ஞர்கள் மத்­தியில் பெரும் வர­வேற்பு கிடைக்கும் என்­பதில் ஐய­மில்லை.

 

ஏ.ஆர்.ரஹ்­மானைக் கண்டு வியக்க அவ­ரது இசை மட்­டு­மல்ல தனிப்­பட்ட சிறப்பு அம்­சங்­களும் நிறைந்­துள்­ளன.

 

* பொது நிகழ்ச்­சியில் கலந்­து­கொள்­ளும்­போது எந்த ரசிகர் ஆட்­டோ­கிராப் கேட்­டாலும் நின்று போட்டு விட்­டுதான் கிளம்­புவார். அதற்கு எவ்­வ­ளவு நேர­மா­னாலும் பொறுத்­தி­ருக்க தயங்­க­மாட்டார்.

 

ஆனால், அவர் மசூ­தியில் தொழுகை செய்­து­விட்டு வரும் போது, யார் கையெ­ழுத்து கேட்­டாலும் "இங்கு இறை­வன்தான் பெரி­யவர். அவரை மிஞ்­சிய ஆள் நானில்லை. இங்கு வைத்து என்­னிடம் கையெ­ழுத்து கேட்­கா­தீர்கள்" என்று கூறி­விட்டு கிளம்­பி­வி­டுவார்.

 

 

* தொடர்ச்­சி­யாக பல்­வேறு படங்­க­ளுக்கு இசை­ய­மைத்து வரும்­போது, ஒரே நேரத்தில் பல்­வேறு பாடல்கள் கொடுக்க வேண்­டி­யது இருக்கும். அந்த சம­யத்தில் தனி­யாக அவ­ரு­டைய ஸ்டூடி­யோவில் போய் உட்­கார்ந்து கொண்டு நிறைய பாடல் மாதி­ரி­களைத் தயார் செய்வார்.

 

அதனை தனது உத­வி­யா­ளர்­க­ளிடம் கொடுத்­து­வி­டுவார். "3, 5 மாதி­ரி­களை இந்த இயக்­கு­ந­ருக்கும் 7, 9 மாதி­ரி­களை இந்த இயக்­கு­ந­ருக்கும் அனுப்­பி­வி­டுங்கள்" என்று சரி­யாக இயக்­குநர் எந்த மாதி­ரி­யான பாடல்­களை விரும்­பு­வார்கள் என்று தேர்ந்­தெ­டுத்து அனுப்பி ஒப்­புதல் வாங்­கு­வது தான் ரஹ்மான் ஸ்டைல்.

 

* பாடல்கள் இசை­ய­மைப்பைத் தாண்டி அவ­ருக்கு நடிப்­பதில் ஆர்­வமே கிடை­யாது. அந்த அள­வுக்கு பயங்­கர கூச்ச சுபாவம் கொண்­டவர். 'ஜெய் ஹோ' பாடலை தயார் செய்­த­வுடன் இந்­தி­யாவே கொண்­டா­டி­யது. ஆனால், அதை பட­மாக்­கப்­பட்ட கஷ்டம் இயக்­குநர் பரத் பாலா­வுக்கு மட்­டுமே தெரி­யுமாம். கெமரா முன்னால் நடிப்­ப­தற்கு மிகவும் கூச்­சப்­பட்­டி­ருக்­கிறார். முழு படப்­பி­டிப்பும் முடிந்து முழு­மை­யாக தயா­ரா­ன­வுடன் ஏ.ஆர்.ரஹ்­மா­னிடம் கொடுத்­தி­ருக்­கிறார் பரத் பாலா. உடனே அப்­பா­டலை திரை­யிட எல்லாம் தயார் செய்­து­விட்டு தன் அம்­மாவை அழைத்து வந்து, "இந்த மாதிரி ஒரு பாடலை தயார் செய்­தி­ருக்­கிறேன் அம்மா. நீங்கள் பாருங்கள்" என்று கூறி­விட்டு அந்த இடத்தில் இருந்து சிரித்துக் கொண்டே நகர்ந்­து­விட்டார்.

 

 

* ரஹ்மான் உடன் பணி­பு­ரி­ப­வர்­க­ளுக்கு மட்­டுமே தெரியும் அவர் வேக­மாக கார் ஓட்டக் கூடி­யவர் என்று. அவர் கார் ஒட்­டும்­போது அவ­ருடன் உட்­கார்ந்து போக அவ­ருடன் பணி­பு­ரி­ப­வர்கள் பயப்­ப­டு­வார்கள். அந்­த­ள­வுக்கு படு­வே­க­மாக கார் ஓட்டக் கூடி­யவர். ஆனால், சாலை விதி­களை கச்­சி­த­மாகக் கடை­பி­டிப்­பவர்.

 

* எவ்­வ­ளவு பெரிய மதிப்­பு­டைய கார்கள் வைத்­தி­ருந்­தாலும், பழைய அம்­பா­சிடர் காரை மட்டும் மிகவும் ரசித்து ஓட்­டுவார் ஏ.ஆர்.ரஹ்மான்.

 

* ரஹ்மான் மிக அரு­மை­யாக மிமிக்ரி செய்வார். அதிலும் வைர­முத்து போல மிமிக்ரி செய்­வது அவ­ருக்கு விருப்­ப­மான ஒன்று.

 

 

* பெரும்­பாலும் இரவு நேரங்­களில் தான் இசை­ய­மைப்பார். வீட்டில் இருந்து இரவு நேர பாடல் ஒலிப்­ப­தி­வுக்கு கிளம்­பும்­போது, குழந்­தைகள் தூங்­கி­ய­வு­டன்தான் கிளம்­புவார். அந்த அள­வுக்கு குழந்­தைகள் மீது அளவு கடந்த பாசம் உடை­யவர். மேலும், இவ­ரு­டைய மகன் அமீ­னுக்கும், இவ­ருக்கும் ஒரே திக­தியில் பிறந்த நாள். (ஹேப்பி பேர்த் டே அமீன்!!)

 

* உலக அளவில் எவ்­வ­ளவு பெரிய  அளவில் எவ்வளவு பெரிய இயக்குநராக இருந்தாலும், இவருடைய பாடல் ஒலிப்பதிவு கூடத்துக்குள் அனுமதியே கிடையாது.

 

* ரஹ்மான் தனது முதல் சம்­ப­ள­மாக 50 ரூபா பெற்­றி­ருந்தார். ஒலிப்­ப­திவு கரு­வி­யொன்­றினை செயற்­ப­டுத்­து­வ­தற்­கா­கவே இந்த கொடுப்­ப­னவு தொகையை அவர் பெற்­றி­ருந்­தமை குறிப்­பி­டத்­தக்­கது.

 

* ரஹ்மான் தனது பிறந்­த­நாளை சிறப்­பாக கொண்­டா­டு­வ­தில்லை. மாறாக தனது காலை நேர தொழு­கையை முடித்­து­விட்டு சிறுவர் இல்­லத்­துக்கு சென்று தனது பிறந்­த­நாளை அங்­குள்ள ஆத­ர­வற்ற சிறு­வர்­க­ளுடன் கொண்­டா­டுவார்.

 

* கன­டா­வி­லுள்ள ஒன்­டா­ரியோ, மர்­க­மி­லுள்ள வீதி­யொன்றுக்கு 2013 ஆம் ஆண்டு நவம்பர் மாதம் ரஹ்­மானின் பெயர் சூட்­டப்­பட்­டுள்­ளது.

 

* ஒஸ்கார் விருது வென்ற ஜெய் ஹோ பாட­லுக்­கான மெட்­டினை ரஹ்மான் முதன் முத­லாக சல்மான் கானின் யுவராஜ் படத்­திற்கே அமைத்­தி­ருந்தார். அப்­ப­டத்தில் இந்த மெட்டு இடம்­பெ­றா­மை­யினால் அதனை ஸ்லம்டொக் மில்­லி­யனர் படத்தில் ரஹ்மான் பயன்­ப­டுத்­தி­யி­ருந்தார்.

 

* அமெ­ரிக்க வெள்ளை மாளி­கையில் 2012 ஆம் ஆண்டு கிறிஸ்மஸ் கொண்­டாட்­டங்­களில் கலந்து கொள்­வ­தற்­காக ரஹ்­மா­னுக்கு அழைப்பு விடுக்­கப்­பட்­டி­ருந்­தது.

 

* ஒரே ஆண்டில் 2 ஒஸ்கார் விரு­து­களை வென்ற முதல் ஆசிய நாட்­டவர் என்ற பெரு­மையும் இவ­ரையே சாரும்.

 

* ரஹ்­மானால் இசை­ய­மைக்­கப்­பட்ட எயார்­டெலின் அறி­மு­கப்­பா­ட­லா­னது உல­கி­லேயே அதி­க­ளவு பதி­வி­றக்கம் செய்­யப்­பட்ட தொலை­பேசி இசை­யாகும். இதனை உல­க­ளா­விய ரீதியில் சுமார் 150 மில்­லியன் கணக்­கானோர் பதி­வி­றக்கம் செய்­துள்­ளனர்.

 

இச்செய்தி தொடர்பான உங்கள் கருத்துக்களை பகிர்ந்துகொள்ளுங்கள் :
NAME :
YOUR NAME IS REQUIRED.
EMAIL :
YOUR EMAIL ADDRESS IS REQUIRED.
INVALID EMAIL ADDRESS.
NOT FOR PUBLICATION
தமிழில் type செய்வதற்கு | ஆங்கிலத்தில் type செய்வதற்கு
 
ADD YOUR COMMENT.
குறிப்பு: வாசகர்கள் பதிவு செய்யும் கருத்துகள் மெட்ரோ நியூஸ் ஆசிரியர் குழுவின் பார்வைக்குப் பிறகே வெளியிடப்படும். வாசகர்களின் கருத்துகள் மெட்ரோ நியூஸின் கருத்துகள் அல்ல. நாகரீகமற்ற வார்த்தைகளைப் பயன்படுத்துவதைத் தவிர்க்கும்படி வாசகர்களைக் கேட்டுக்கொள்கிறோம். தனி நபர் தாக்குதல், கட்டுரைகளுக்குப் பொருத்தமில்லாத கருத்துகளை வாசகர்கள் இங்கே பதிவு செய்ய வேண்டாம்.