இசுறுவின் அதிரடி வீணாகியது; இலங்கையை வென்றது தென் ஆபிரிக்கா

0 104

இலங்கை அணியுடனான சர்வதேச இருபது20 தொடரின் இரண்டாவது போட்டியில் தென் ஆபிரிக்கா 16 ஓட்டங்களால் வென்றது.
தென் ஆபிரிக்காவின் சென்சூரியன் மைதானத்தில் நேற்று இரவு இப்போட்டி நடைபெற்றது.

முதலில்; துடுப்பெடுத்தாடிய தென் ஆபிரிக்க அணி 20 ஓவர்களில் 3 விக்கெட் இழப்புக்கு 180 ஓட்டங்களைக் குவித்தது. ரீஸா ஹென்ரக்ஸ் 65 ஓட்டங்களையும் வான் டேர் டுசென் 64 ஓட்டங்களையும் பெற்றனர். இவ்விருவரும் 2 ஆவது விக்கெட்டுக்காக 116 ஓட்டங்களைக் குவித்தமை குறிப்பிடத்தக்கது.

பதிலுக்குத் துடுப்பெடுத்தாடிய இலங்கை அணி 20 ஓவர்களில் 9 விககெட் இழப்புக்கு 164 ஓட்டங்களையே பெற்றது. 8 ஆவது வரிசை துடுப்பாட்ட வீரர் இசுறு உதான 48 பந்துகளில் 6 சிக்ஸர்கள், 8 பௌண்டரிகள் உட்பட ஆட்டமிழக்காமல் 84 ஓட்டங்களைப் பெற்றார். எனினும் இலங்கை அணியின் துடுப்பாட்டத்தில் ஏனைய வீரர்கள் பிரகாசிக்கவில்லை.

3 போட்டிகள் கொண்ட இத்தொடரில் தென் ஆபிரிக்க அணி தற்போது 2:0 விகிதத்தில் கைப்பற்றியுள்ளது

Leave A Reply

Your email address will not be published.

error: Content is protected !!