எயார் இந்தியா, பாரத் பெட்ரோலியம் நிறுவனங்கள் அடுத்த வருடம் விற்பனை -இந்திய நிதியமைச்சர் நிர்மலா சீதாராமன் அறிவிப்பு

0 21

எயார் இந்­தியா, பாரத் பெட்­ரோ­லியம் கோர்­ப­ரேஷன் நிறு­வ­னங்­களை விற்று 1 லட்சம் கோடி ரூபா நிதி திரட்ட இந்­திய மத்­திய அரசு முடிவு செய்­துள்­ள­தாக இந்­திய நிதி­ய­மைச்சர் நிர்­மலா சீதா­ராமன் தெரி­வித்­துள்ளார்.

இந்­தியா கடுமை­யான பொரு­ளா­தார நெருக்­க­டியில் உள்ள நிலையில், நஷ்­டத்தில் இயங்கி வரு­கிற பொதுத்­துறை நிறு­வ­னங்­களை விற்கும் முடிவில் இந்­திய அரசு இருக்­கி­றது.

அந்த வகையில் எயார் இந்­தியா விமான நிறு­வ­னத்­தையும், பாரத் பெட்­ரோ­லியம் நிறு­வ­னத்­தையும் விற்க இந்­திய அரசு முடிவு செய்­துள்­ளது.

இது குறித்து நிதி­ய­மைச்சர் நிர்­மலா சீதா­ராமன் கூறும்­போது, ‘இவ்­விரு நிறு­வ­னங்­க­ளையும் 2020 மார்ச் மாதத்­துக்குள் விற்­பனை செய்து முடித்து விட முடியும் என கரு­து­கிறோம்’ என குறிப்­பிட்டார். 

எயார் இந்­தியா நிறு­வ­னத்தைப் பொறுத்­த­மட்டில், தற்­போது அந்த நிறு­வ­னத்தை வாங்­கு­வ­தற்கு முத­லீட்­டா­ளர்கள் ஆர்வம் காட்டி வரு­கிற சாத­க­மான சூழ்­நிலை உள்­ளது எனவும் அவர் கூறினார்.

இந்த இரு நிறு­வ­னங்­க­ளையும் விற்று ரூபா 1 லட்சம் கோடி நிதி திரட்டி விட முடியும் என­ இந்­திய மத்­திய அரசு எதிர்­பார்க்­கி­றது.

‘பொரு­ளா­தார நெருக்­க­டிக்கு முடிவு கட்­டு­கிற வகையில், அரசு சரி­யான பாதையில் சென்று கொண்­டி­ருக்­கி­றது.

பல துறைகள் இப்­போது நெருக்­க­டியில் இருந்து மீண்டு வரு­கின்­றன’ என்றும் நிதி­ய­மைச்சர் நிர்­மலா சீதா­ராமன் கூறினார்.

சில குறிப்­பிட்ட துறை­களில் முன்­னேற்றம் காணப்­பட்­டி­ருப்­ப­தையும், பொரு­ளா­தார மந்த நிலையை மீட்­டெ­டுக்க மத்­திய அரசு மேற்­கொண்­டுள்ள நட­வ­டிக்­கை­க­ளையும் சுட்­டிக்­காட்டி, மீண்டும் சரக்கு, சேவை வரி வசூல் சூடு பிடிக்கும் என அவர் குறிப்­பிட்டார்.

இதே­வேளை, செப்­டம்பர் மாதத்­துடன் முடிந்த காலாண்டில் இந்­தி­யாவின் மொத்த உள்­நாட்டு உற்­பத்தி (பொரு­ளா­தார வளர்ச்­சி­வீதம்) 5 சத­வீ­தத்­துக்கும் கீழாக உள்­ள­தாக தர நிர்­ணயம் செய்­கிற பல்­வேறு நிறுவனங்கள் கூறினாலும்கூட, இந்திய பொருளாதாரம் அதில் இருந்து மீட்டெடுக்கப்பட்டு சூடு பிடிக்கத்தொடங்கும் என நிர்மலா சீதாராமன் நம்பிக்கை தெரிவித்தார்.

Leave A Reply

Your email address will not be published.

error: Content is protected !!