இலங்கை டென்னிஸ் அணியில் தினேஷ்காந்தன், சுரேன், நம்பிக்கை நட்சத்திரங்கள் அஞ்சலிக்கா, அனிக்கா

0 147

(நெவில் அன்­தனி)

நேபா­ளத்தின் கத்­மண்­டு­விலும் பொக்­கா­ரா­விலும் அடுத்த மாதம் நடை­பெ­ற­வுள்ள 13ஆவது தெற்­கா­சிய விளை­யாட்டு விழாவில் பங்­கு­பற்றும் இலங்கை டென்னிஸ் அணியில் சிரேஷ்ட வீரர் தினேஷ்­காந்தன் தங்­க­ராஜா, இளம் வீரர் சுரேன் பாலச்­சந்­திரன் ஆகியோர் அடங்­க­லாக 12 வீர, வீராங்­க­னைகள் இடம்­பெ­று­கின்­றனர்.

டேவிஸ் கிண்ண வீரரும் ஐந்து தட­வைகள் இலங்­கையின் முன்னாள் சம்­பி­ய­னு­மான தினேஷ்­காந்தன் இம்­முறை பதக்கம் ஒன்றை வெல்­லக்­கூ­டி­ய­வ­ராக நம்­பப்­ப­டு­கின்றார்.

தெற்;காசிய விளை­யாட்டு விழா வர­லாற்றில் 21 வரு­டங்­களின் பின்னர் 2016இல் டென்னிஸ் போட்­டி­களில் முதல் தட­வை­யாக பங்­கு­பற்­றிய இலங்கை 3 வெண்­கலப் பதக்­கங்­களை வென்­றி­ருந்­தது. அப் போட்­டியில் இரு­பா­லா­ரிலும் இந்­தி­யாவின் ஆதிக்கம் வெளிப்­பட்­டது.

2016 போட்­டி­களில் பங்­கு­பற்­றிய தினேஷ்­காந்தன், ஷாமல் திசா­நா­யக்க ஆகி­யோ­ருடன் இரட்­டையர் போட்­டி­களில் பிர­கா­சிக்கும் யசித்த டி சில்வா, சன்கா அத்­து­கோ­ரள மற்றும் வளர்ந்து வரும் இளம் வீரர்­க­ளான சத்­து­ரிய நில­வீர, சுரேன் பாலச்­சந்­திரன் ஆகியோர் ஆடவர் அணியில் இடம்­பெ­று­கின்­றனர்.

மகளிர் அணியில் நடப்பு தேசிய சம்­பியன் அஞ்­ச­லிக்கா குரேரா (நீர்­கொ­ழும்பு ஆவே மரியா கல்­லூரி), முன்னாள் சம்­பி­யனும் இளம் அனு­பவ­சா­லி­யு­மான அனிக்கா சென­வி­ரட்ன, இவ­ரது இளைய சகோ­தரி அலனா சென­வி­ரட்ன, ருஷிக்கா விஜே­சூ­ரிய, இரட்­டையர் ஜோடி­யான சவினி ஜய­சூ­ரிய, ஜனலி மனம்­பெரி ஆகியோர் இடம்­பெ­று­கின்­றனர்.

இவர்­களில் அஞ்­ச­லிக்­கா­வும் அனிக்­காவும் பதக்கம் வெல்­லக்­கூ­டி­ய­வர்கள் என நம்பப்படுகின்றது.2016இல் போன்றே இலங்கை வீர, வீராங்கனைகளுக்கு இவ் வருடமும் இந்திய வீர, வீராங்கனைகளே கடும் சவாலாக விளங்கவுள்ளனர்.

Leave A Reply

Your email address will not be published.

error: Content is protected !!