Thursday  19 Jan 2017  
Verified Web
CONTACT US
trailer-header
22 வருடங்களில் மறுவடிவம் பெற்ற ஏ.ஆர்.ரஹ்மானின் 'ஊர்வசி ஊர்வசி' பாடல்
22 வருடங்களில் மறுவடிவம் பெற்ற ஏ.ஆர்.ரஹ்மானின் 'ஊர்வசி ஊர்வசி' பாடல்
poll
அமெரிக்க ஜனாதிபதியாக டொனால்ட் ட்ரம்ப் தெரிவானதால்
அமெரிக்காவுக்கு நல்லது
முழு உலகுக்கும் நல்லது
அமெரிக்காவுக்கு நல்லதல்ல
முழு உலகுக்கும் நல்லதல்ல
உலகைக் கலக்கும் Pokemon Go
2016-07-25 11:41:26

கபாலி திரைப்­படம், பிரான்ஸின் நீஸ் தாக்­குதல், துருக்­கியின் தோல்­வி­யுற்ற இரா­ணுவப் புரட்சி முத­லான விட­யங்­க­ளுக்கு மத்­தி­யிலும் பல நாடு­களின் ஊட­கங்­களில் அல­சப்­படும் விடயம் Pokémon Go (போகிமான் கோ). இது ஒரு செல்­லிடத் தொலை­பேசி விளை­யாட்டு (Mobile phone game).

 

பொக்கெட் மொன்ஸ்டர்ஸ் (Pocket Monsters) என்­பதுன் சுருக்­கமே போகிமான் ஆகி­யதாம். இவ் ­வி­ளை­யாட்டில், போகிமான் உலகில் சுற்றி மறைந்­தி­ருக்கும் சிறிய போகி­மான்­களை தேடிக் கண்­டு­பி­டித்து நம் வசப்­ப­டுத்த வேண்டும்.

 

 

பின்னர் அவற்­றுக்கு பயிற்­சி­ய­ளித்து அவற்றி சக்­தி­களை அதி­க­ரித்து மற்ற போகி­மான்­க­ளுடன் சண்­டை­யிட்டு அதன்மூலம் மேலும் பல­மான போகி­மான்­களை பெற வேண்டும்.

 

போகி­மானை விளை­யாடும் மனி­தர்கள் trainers (பயிற்­று­நர்கள்) என அழைக்­கப்­ப­டு­கின்­றனர். 1996 ஆம் ஆண்டு போகிமான் ஒரு காகித அட்டை விளை­யாட்­டாக (card game) போகிமான் கம்­பி­யினால் அறி­மு­கப்­ப­டுத்­தப்­பட்­டது.

 

1998 ஆம் ஆண்டு ஸ்தாபிக்­கப்­பட்ட போகிமான் கம்­ப­னி­யா­னது டோக்­கியோ, வோஷிங்டன் டி.சி., லண்டன், சியோல் ஆகிய நக­ரங்­களில் தலை­மை­ய­கங்­களைக் கொண்­டுள்­ளது.


பின்னர் வீடியோ கேம் பதிப்பு வெளி­யி­டப்­பட்­டது. இப்­போது ஸ்மார்ட் போன் தொலை­பேசி மூலம் விளை­யா­டு­வ­தற்­கான பதிப்பு தான் Pokémon Go. அமெ­ரிக்­காவைத் தளமாக் கொண்ட Niantic நிறு­வ­னத்தால் போகிமான் கோ உரு­வாக்­கப்­பட்­டுள்­ளது.


ஏனைய மொபைல் போன் கேம்­க­ளுக்கும் போகிமான் கோவுக்கும் பெரும் வித்­தி­யா­ச­மொன்று உள்­ளது. அதா­வது நாம் இருக்கும் இடத்தின் சுற்­றா­ட­லுடன் தொடர்­பு­டை­ய­தாக இந்த விளை­யாட்டு வடி­வ­மைக்­கப்­பட்­டுள்­ளது.

 

செல்­போ­னி­லுள்ள கெமரா, கூகுள் மெப், ஜி.பி.எஸ். போன்­ற­வற்றின் உத­வி­யுடன் நாம் இருக்கும் சூழல் இனங்­கா­ணப்­பட்டு, நமக்கு அரு­கி­லுள்ள இடங்­களில் போகி­மான்கள் ஒளிந்­து­கொண்­டி­ருப்­ப­தாக காட்­டப்­படும்.

 

 

இது அகு­மென்டட் வீடியோ கேம் என அழைக்­கப்­ப­டு­கி­றது. ஸ்மா ர்ட் போனுக்குப் பதி­லாக, கைக்­க­டி­காரம் போன்று மணிக்­கட்டில் அணிந்­து­கொள்­ளக்­கூ­டிய போகிமான் கோ பிளஸ் எனும் சாத­ன­மொன்றின் மூலமும் போகிமான் கோ விளை­யா­டலாம்.  

 

கடந்த 6 ஆம் திகதி அமெ­ரிக்கா, அவுஸ்­தி­ரே­லியா, நியூஸிலாந்து ஆகிய நாடு­களில் போகிமான் கோவை அறி­மு­கப்­ப­டுத்­தி­யது த போகிமான் கம்­பனி.


ஜூலை 17 ஆம் திக­தி­ வரை ஏனைய பல ஐரோப்­பிய நாடுகள், கனடா உட்­பட  32 நாடு­களில் போகிமான் கோ அறி­மு­க­மா­கி­யி­ருந்­தது.

 

ரஷ்­யா­வில்...


 

இலங்கை, இந்­தியா முத­லான ஆசிய நாடு­களில் போகிமான் கோ அமு­லுக்கு வர­வில்லை.

 

பொது­வாக செல்­போன்­களில் வீடியோ கேம் விளை­யா­டு­ப­வர்கள், கதி­ரை­யிலோ, கட்­டிலோ கிடந்து செல்­போனை குடைந்து கொண்­டி­ருப்­பார்கள். இத்­த­கைய தொழில்­நுட்­பங்கள் மூலம் மக்கள் வர வர சோம்­பே­றி­யாகிக் கொண்­டி­ருக்­கி­றார்கள் என்ற விமர்­சனம் உள்­ளது.

 

ஆனால், போகிமான் கோ விளை­யாட்டில் நிலைமை எதிர்­மா­றா­னது. போகி மான்  கோ விளை­யாட்டில் போகி­மான்­களை கண்­டு­பி­டிப்­ப­தற்­காக எழுந்து நட­மாட வேண்­டி­யி­ருக்கும்.

 

போகி­மான்­களை தேடி பல கிலோ­மீற்றர் நடப்­ப­வர்கள் உண்டு. இதனால், இவ்­ வி­ளை­யாட்டில் ஈடு­ப­டு­ப­வர்கள் தம்மை அறி­யா­ம­லேயே பெரும் உடற்­ப­யிற்சி செய்­ப­வர்­க­ளாகி விடு­கி­றார்கள்.

 

ஸ்பா­னிய பொலி­ஸார்


 

மன அழுத்­தங்­களால் பாதிக்­கப்­பட்­ட­வர்­களின் முன்­னேற்­றத்­துக்கும் இவ்­ வி­ளை­யாட்டு உதவும் என மருத்­து­வர்கள் சிலர் தெரி­வித்­துள்­ளனர்.

 

கன­டாவின் டொரண்­டோ­வி­லுள்ள உள­வியல் மருத்­து­வரும் ரயோர்சன் பல்­க­லைக்­க­ழக விரி­வு­ரை­யா­ள­ரு­மான டாக்டர் ஒரேன் அமிட்டே இது தொடர்­பாக கூறு­கையில், தனது நோயா­ளிகள் பலர் போகிமான் கோ விளை­யாட்டில் ஈடு­பட ஆரம்­பித்­துள்­ளனர் எனத் தெரி­வித்­துள்ளார்.

 

அமெ­ரிக்­காவின் லொஸ் ஏஞ்சல்ஸ் மெட்ரோ ரயில்­வே­துறை போகிமான் கோ விளை­யாட்டை ஊக்­கு­விக்­கி­றது. தமது ரயில் நிலை­யங்கள், ரயில்­களில் எங்­கெல்லாம் போகி­மான்கள் காணப்­ப­டலாம் என்ற விப­ரங்­களை தனது டுவிட்டர் பக்­கத்தில் தெரி­விக்­கி­றது.

 

வணிக உல­கிலும் போகிமான் கோ கலக்­கு­கி­றது.

 

போகிமான் கோ அப்ஸ் வெளி­யி­டப்­பட்டு 2 வாரங்­களில் உல­க­ளா­விய ரீதியில் 3 கோடி தடவை தர­வி­றக்கம் செய்­யப்­பட்­டுள்­ளது.

 

இதன் மூலம் போகி மான் கோ நிறு­வ­னத்­துக்கு 3.5 கோடி டொலர் (500 கோடி ரூபா) வரு­மானம் கிடைத்­துள்­ளது. ஜப்­பானில் மெக்­டொனால்ட்ஸ் நிறு­வனம் போகிமான் கோ அனு­ச­ர­ணை­யா­ள­ராக இணைந்­துள்­ளது.

 

இது தொடர்­பான தகவல் நேற்­று­முன்­தினம் வெளி­யா­னதும் ஜப்­பானில் மெக்­டொனால்ட்ஸ் பங்­கு­களின் பெறு­மதி 10 சத­வீ­தத்தால் அதி­க­ரித்­தது.

 

போகிமான் கோ விளை­யாட்டின் மேல­திக அம்­சங்­களை வாங்­கு­வ­தற்­காக போகிகொய்ன்ஸ் (PokeCoins) அப்பிள் நிறு­வனம் வெளி­யிட்­டுள்­ளது.

 

இதன்­மூலம் 1,2 வரு­டங்­களில் அப்பிள் நிறு­வ­னத்­துக்கு 3 கோடி டொலர் (சுமார் 447 கோடி ரூபா) வரு­மானம் கிடைக்கும் மதிப்­பி­டப்­பட்­டுள்­ளது.


அதிக போகி­மான்­களை கண்­டு­பி­டிக்­கக்­கூ­டிய இடங்­க­ளுக்கு மக்­களை அழைத்துச் செல்­வ­தற்­காக விசேட வாடகைக் கார் சேவையை வழங்க அமெ­ரிக்க சார­திகள் சிலர் முன்­வந்­துள்­ளனர். 

 

இவ்­வாறு போகிமான் கோ விளை­யட்­டா­னது போக்­கு­வ­ரத்­துத்
­து­றை­யிலும் மாற்­றங்­களை ஏற்­ப­டுத்தும் எனக் கரு­தப்­ப­டு­கி­றது. பல்­தே­சிய நிறு­வ­னங்கள், பெரு நிறு­வ­னங்­க­ளுக்கு மாத்­தி­ர­மல்ல சிறு வியா­பா­ரி­க­ளுக்கும் போகிமான் கோ நன்­மை­ய­ளிக்கும் எனத் தெரி­விக்­கப்­ப­டு­கி­றது.

 

போகி­மான்­களைத் தேடி வீதியில் இறங்­கு­ப­வர்­களின் எண்­ணிக்கை அதி­க­ரிப்­பதால் நடை­பாதை வியா­பா­ரிகள், பெட்­டிக்­
க­டைகள், உணவு விடு­தி­க­ளுக்கு வரு­மானம் அதி­க­ரிக்கும் என கரு­தப்­ப­டு­கி­றது.

 

பாது­காப்புத் துறை­யி­ன­ருக்கு நெருக்­கடி

மறு­புறம், போகிமான் கோ விளை­யாட்­டா­னது பல நாடு­களின் பாது­காப்புத் துறை­யி­ன­ருக்கு நெருக்­க­டியை அதி­க­ரித்­துள்­ளது.


போகி­மான்­களை தேடு­ப­வர்கள் வீதி­களில் சமிக்ஞை விளக்­கு
­க­ளைக்­கூட பொருட்­ப­டுத்­தாமல் நடந்து செல்­கி­றார்­களாம். சில மோச­மான வாகன சார­தி­களும் வாகனம் செலுத்­திக்­கொண்டே போகிமான் கோ வி­ளை­யாட்டில் ஈடு­ப­டு­கின்­றனர்.

 

இந்­தோ­னே­ஷியா­வில்...


 

கன­டாவின் கியூபெக் மாகா­ணத்தில் போகிமான் கோ விளை­யா­டிய சாரதி ஒருவர் தனது வாக­னத்தை பொலிஸ் காரொன்­றி­லேயே மோதினார்.


அத்­துடன், போகி­மான்­களை பின்­தொ­டரும் பலர் பாட­சா­லைகள் பொதுக்­கட்­ட­டங்கள், தனியார் வளா­கங்கள், இரா­ணுவ முகாம்
­க­ளுக்­குள்ளும் அத்­து­மீறி நுழைய முற்­ப­டு­கின்­றனர்.

 

அண்­மையில் அவுஸ்­தி­ரே­லி­யாவின் பாட­சாலை, நாஸி வதை முகாம் தொடர்பான அமெ­ரிக்க நூத­ன­சாலை ஆகி­யற்­றிலும் சிலர் போகி­மான்­களைத் தேடித் திரிந்து சங்­க­டங்­களை ஏற்­ப­டுத்­தினர். 

 

இதனால் “அத்­து­மீறி நுழை­யா­தீர்கள் “என போகிமான் கோ விளை­யா­டு­ப­வர்­களை எச்­ச­ரிக்கும் பதா­தைகள்  சில இரா­ணுவ முகாம் கள், கட்­டங்­க­ளுக்கு வெளியே காட்­சிப்­ப­டுத்­தப்­பட்­டுள்­ளன.

 

ஸ்பானிய பொலிஸார் பாது­காப்­பாக போகிமான் கோ விளை­யா­டு­வது குறித்து பொது­மக்­க­ளுக்கு அறி­வு­றுத்­தல்­களை வழங்­கி­யுள்­ளனர். இது தொடர்­பான புகைப்­ப­டங்­க­ளையும் ஸ்பானிய உள்­துறை அமைச்சு வெளி­யிட்­டுள்­ளது.

 

பொஸ்­னி­யாவில் 1990களில் நடை­பெற்ற யுத்­த­தத்­தின்­போது புதைக்­கப்­பட்ட மிதி­வெ­டி­களில் போகிமான் கோ விளை­யா­டு­ப­வர்கள் சிக்­கி­வி­டக்­கூடும் என உணர்ந்த அதி­கா­ரிகள் இது தொடர்பில் அறி­வு­றுத்­தல்­களை விடுத்­துள்­ளனர்.


ஜப்­பானில் விரைவில் போகிமான் கோ வெளி­யி­டப்­ப­ட­வுள்­ளதை முன்­னிட்டு, விசேட பாது­காப்பு அறி­வு­றுத்தல் பிர­சா­ரங்­களை ஜப்­பா­னிய அர­சாங்கம் ஆரம்­பித்­துள்­ளது.

 

இந்­தோ­னே­ஷி­யாவில் போகிமான் கோ விளை­யா­டிக்­கொண்டு இரா­ணுவ முகா­மொன்­றுக்­குள்­ நு­ழைந்த பிரான்ஸ் நாட்­டவர் ஒருவர் கைது செய்­யப்­பட்­டுள்­ள­தாக கடந்த செவ்­வாய்க்­கி­ழமை பொலிஸார் தெரி­வித்­தனர்.

 

இதே­வேளை, இந்­தோ­னிய ஜனா­தி­பதி மாளிகை அருகில் போகிமான் விளை­யாட வேண்டாம் என அதி­கா­ரிகள் எச்­ச­ரித்­துள்­ளனர். இந்­தோ­னே­ஷிய பொலிஸார், இரா­ணு­வத்­தினர் கடமை நேரத்தில் போகிமான் விளை­யா­டு­வது தடை ­செய்­யப்­பட்­டுள்­ள­தாக அதி­கா­ரிகள் தெரி­வித்­துள்­ளனர்.

 

இந்­தோ­னே­ஷி­யாவில் உத்­தி­யோ­கபூர்வமாக போகிமான் கோ அறி­மு­க­மா­வில்லை. எனினும் சிலர் வெளி­நாட்டு பதிப்­பு­களை சட்­ட­வி­ரோ­த­மாக தர­வி­றக்கம் செய்து விளை­யா­டு­கின்­றனர் எனத் தெரி­விக்­கப்­ப­டு­கி­றது.

 

சவூதியில்...


போகிமான் கோவுக்கு எதி­ரான குரல்­களும் ஒலிக்­கின்­றன. 2001 ஆம் ஆண்டு போகிமான் ஒரு காகித அட்டை விளை­யாட்­டாக இருந்த காலத்­தி­லேயே சவூதி அரே­பிய மதகுருக்கள் போகிமானு க்கு தடை விதித்திருந்தனர்.

 

 

சவூதி அரே­பி­யா­வில்...


 

15 வருடகாலமாக அமுலிலுள்ள இத்தடை போகிமான் கோ அறிமுகத்தின் பின்னர் மீளவும் பிரகடனப்படுத்தப்பட்டுள்ளதாக செய்தி வெளியாகியிருந்தது..

 

ஆனால், சவூதியில் போக்மன் கேம் மீதான தடை மீள பிரகடனப்படுத்தப் பட்டுள்ளதாக வெளியான செய்திகளில் உண்மையில்லை என சவூதி அரேபிய கலாசார மற்றும் தகவல் துறை அமைச்சின் உதவி செயலாளர் தெரிவித்துள்ளார்.

 

அமெரிக்காவின் புளோரிடா மாநிலத்தில் போகி மான்களை பின் தொடர்ந்து சென்ற இருவர் வீட்டு வளாகம் ஒன்றுக்குள் நுழைந்தபோது அவர்களை திருடர்கள் என எண்ணி அவ் வீட்டின் உரிமையாளர் துப்பாக்கிப் பிரயோகம் செய்தார். இதனால் அவ்விரு வரும் காயமடைந்தனர்.

 

குவாத்­த­மா­லாவில் போகி­மான்­களை பின் தொடர்ந்து சென்று வீடொன்­றுக்குள் நுழைந்த 18 வய­தான ஜேர்ஸன் லோபஸ் லியோன் எனும் இளைஞர் சுட்­டுக்­கொல்­லப்­பட்­டுள்­ள­தாக செய்­தி கள் வெளி­யா­கி­யுள்­ளது.

 

இச்­ செய்­திகள் உண்­மை­யானால் போகிமான் கோ கார­ண­மாக இடம்­பெற்ற உலகின் முதல் மர­ண­மாக இது இருக்­கலாம். விரை வில் இலங்­கை­யிலும் போகிமான் கோ அறி­மு­க­மா­கலாம்.

 

பொது இடங்­களில் இவ் ­வி­ளை­யாட்டில் ஈடு­ப­டு­ப­வர்­களும் அவர்­களை எதிர்­கொள்­ப­வர்­களும் எச்சரிக்கையுடன் செயற்படுவது நல்லது.

 

– நவீன்

 

இச்செய்தி தொடர்பான உங்கள் கருத்துக்களை பகிர்ந்துகொள்ளுங்கள் :
voleeth ahamed2016-08-07 17:32:48
This is very amazing.
0
0
NAME :
YOUR NAME IS REQUIRED.
EMAIL :
YOUR EMAIL ADDRESS IS REQUIRED.
INVALID EMAIL ADDRESS.
NOT FOR PUBLICATION
தமிழில் type செய்வதற்கு | ஆங்கிலத்தில் type செய்வதற்கு
 
ADD YOUR COMMENT.
குறிப்பு: வாசகர்கள் பதிவு செய்யும் கருத்துகள் மெட்ரோ நியூஸ் ஆசிரியர் குழுவின் பார்வைக்குப் பிறகே வெளியிடப்படும். வாசகர்களின் கருத்துகள் மெட்ரோ நியூஸின் கருத்துகள் அல்ல. நாகரீகமற்ற வார்த்தைகளைப் பயன்படுத்துவதைத் தவிர்க்கும்படி வாசகர்களைக் கேட்டுக்கொள்கிறோம். தனி நபர் தாக்குதல், கட்டுரைகளுக்குப் பொருத்தமில்லாத கருத்துகளை வாசகர்கள் இங்கே பதிவு செய்ய வேண்டாம்.